جھوٹی خبروں کا پتہ لگانے کا طریقہ - Flackcheck.org

Flackcheck.org یونیورسٹی آف پینسلووانیا کے انین برگ پبلک پالیسی سینٹر میں واقع ہے اور ایوارڈ یافتہ ویب سائٹ FactCheck.org سے منسلک ویب سائٹ ہے۔ Flackcheck.org سیاسی خواندگی کو فروغ دینے اور جھوٹی خبروں اور غلط معلومات کو للکارتے ہوئے معاشرے کے لیے مضبوطی فراہم کرنے کے لیے کوشاں ہے۔ اس ویب سائٹ پر متعدد وسائل اور میڈیا شائع کیے جاتے ہیں جن کا مقصد عوام کو جھوٹی خبروں خصوصاً سیاسی اشتہارات میں غلط اطلاعات کوپہچاننے کے لیے ٹولز فراہم کرنا ہے۔

Flackcheck.org تین زمروں میں تقسیم ہے: سیاست، صحت اور سائنس۔ Flackcheck.org کے سیاسی حصّے کا مقصد ایسے عوام الناس اور خصوصاً نوجوانوں کو جنہوں نے ابھی تک کوئی ٹھوس سیاسی نقطہ نظر نہیں اپنایا ہے، یا کسی جماعت کے ساتھ الحاق قائم نہیں کیا ہے، دھوکہ دہی کے انداز کو پہچاننے اور انہیں مسترد کرنے کا طریقہ سکھانا ہے۔ غلط اطلاعات کو چھ زمروں میں تقسیم کر کے اور ان میں سے ہر ایک کو پہچاننے کے طریقے پرتفصیلی معلومات کی فراہمی کے ذریعے یہ کام بڑی خوش اسلوبی سے انجام دیا گیا ہے۔ یہ سائٹ سیاسی تبصرہ اور موسمیاتی تبدیلی، ترک وطن اور بندوق پر قابو جیسی با مقصد مثالیں استعمال کرتی ہے۔ FlackCheck.org میں ایک مفید ‘انسِولیٹی لاگ’ ہے جس میں سیاسی نا شائستگی جیسا کہ ہتک آمیز یا نامعقول زبان کے استعمال یا کسی شخص یاجماعت کی شدید کردار کشی والے معاملات درج کیے جاتے ہیں۔ اس ویب سائٹ میں متعدد ویڈیو موجود ہیں۔ Flackcheck کا 100 سے زائد ویڈیو پر مشتمل مختص کردہ ایک YouTube چینل بھی موجود ہے۔